Mbappe ត្រៀមបង្ហាញខ្លួនលើកដំបូងក្នុងក្លឹប Real ពេលប៉ះ Fiorentina ថ្ងៃពុធសប្តាហ៍ក្រោយ ក្នុងពាន Super Cup

ម៉ាឌ្រីដ៖ ខ្សែប្រយុទ្ធចំណូលថ្មី Kylian Mbappe នឹងបង្ហាញវត្តមានលើកដំបូងក្នុងក្លឹប Real Madrid នៅពេលជួប Fiorentina នារាត្រីថ្ងៃពុធសប្តាហ៍ក្រោយ ក្នុងការប្រជែងយកពានបើករដូវកាលពានអឺរ៉ុប UEFA Super Cup 2024។

ប្រធានក្រុមបារាំងរូបនេះ នឹងមានឈ្មោះក្នុងបញ្ជីរបស់លោក Carlo Ancelotti ដែលត្រូវប៉ះក្រុមមកពីអ៊ីតាលី Fiorentina នៅកីឡដ្ឋានជាតិប៉ូឡូញនាម៉ោង ២យប់រំលងអាធ្រាត្រឈានចូលថ្ងៃទី១៥ ខែសីហា ឆ្នាំ២០២៤ (ម៉ោងនៅកម្ពុជា)។

សូមរំលឹកផងថា ក្រុមជើងឯកអេស្ប៉ាញ Real Madrid គឺជាម្ចាស់ពានរង្វាន់អឺរ៉ុប UEFA Champions League រដូវកាលមុន ដោយបានយកឈ្នះ Borussia Dortmund ២-០ គ្រាដែល Fiorentina ជាជើងឯកពានកម្រិតទី២ UEFA Europa League ក្រោយបំបាក់គូប្រជែង Bayer Leverkusen ៣ទល់នឹង០ នៅវគ្គផ្តាច់ព្រ័ត្រ៕